Hasanboy Do'smatov Moskvada jang o'tkazadi

Rossiya Federaciyasi poytaxti Moskva shahrida tashkil etiladigan boks oqshomida hamyurtimiz mezbon Pavel Gunchenkoga qarshi ringga ko'tariladi. 

Eslatib o'tamiz, Hasanboy 2019 yilning noyabr oyida prof ringdagi debyutini nishonlagan va o'shanda meksikalik Xesus Villanuevani ikkinchi raundda nokautga uchratgandi. 

Rossiyalik Pavel Gunchenko ham 2019 yilda prof boksda debyut qilgan va raqibini 4 raundlik jangda ochkolar evaziga mag'lubiyatga uchratgan.

Demak har ikki bokschi uchun ushbu jang prof boksdagi ikkinchi bahs bo'ladi.