Hasanboy Do'smatov Rossiyada jang o'tkazdi

Ushbu jangda Hasanboyga Rossiya Federaciyasi sharafini himoya qilayotgan bokschi Odiljon Sotqinov raqiblik qildi. 6 raundga mo'ljallangan jang birinchi raunddayoq yakuniga etdi. Bokschimiz birinchi raundda raqibini uch marta nokdaun holatiga tushirdi. To'rtinchi nokdaundan keyin esa referi jangni to'xtatishga qaror qildi. SHu tariqa, Hasanboy birinchi raunddayoq nokaut evaziga g'alabaga erishdi.

Malumot uchun, Hasanboy bugun rossiyalik Pavel Gunchenko bilan jang qilishi lozim edi. Ammo, bazi sabablarga ko'ra Gunchenko hamyurtimizga raqiblik qila olmadi. Uning o'rniga esa tezkorlik bilan boshqa raqib topildi. 

Eslatib o'tamiz, Hasanboy Do'smatov 2019 yilning noyabr oyida Meksikada prof ringdagi debyutini nishonlagan va o'shanda meksikalik Xesus Villanuevani ikkinchi raundda nokautga uchratgandi.