"Humo arena" mezbonlik qiladigan ilk yirik turnirga tayyorgarlik avjida

Nufuzli musobaqaga munosib mezbonlik qilish esa katta mehnat va masuliyat talab etadi. Musobaqa bo'lib o'tadigan “Humo arena” ko'p tarmoqli muz saroyida Gran-pri ishchi guruhining eng so'nggi va eng katta yig'ilishi bo'lib o'tdi. 

Unda MOQ vice-prezidentlari Azizjon Kamilov va Saken Polatov, Jismoniy tarbiya va sport vazirining birinchi o'rinbosari Oybek Kasimov, Paralimpiya associaciyasi raisi Muxtorxon Tashxodjaev, shuningdek, O'zbekiston dzyudo federaciyasi rahbariyati, Toshkent Gran-prisiga tayyorgarlik ko'rish bo'yicha Vazirlar Mahkamasining yig'ilish bayoniga binoan biriktirilgan barcha vazirlik va idoralarning mutasaddilari ishtirok etdi.

Yig'ilishda “Humo arena”ning 20-22 sentyabr kunlari Gran-pri va 23-24 sentyabrda paradzyudo Gran-prisini qabul qilishga qanchalik shayligi, xalqaro tashkilot va delegaciya vakillari uchun yaratib berilgan sharoitlar, musobaqaning tantanali ochilish marosimiga ko'riladigan tayyorgarlik, bellashuvlarning mahalliy va xorijiy telekanallarga translyaciya qilinishida, bahslar davomida texnika va internet tarmog'ining uzluksiz etkazib berilishida yuzaga kelishi mumkin bo'lgan kamchiliklarning oldini olish bo'yicha chora-tadbirlar muhokama qilindi.