“Humo Arena” muz saroyining ochilishiga bag'ishlangan tadbir o'tkazildi

Jismoniy tarbiya va sport vazirligi matbuot xizmatining xabar berishicha, tadbirda mamlakatimizning barcha etakchi OAV xodimlari, shuningdek o'nlab xorijiy jurnalistlar ham ishtirok etdi. Dastlab spikerlar – Jismoniy tarbiya va sport vaziri Dilmurod Nabiev, O'zbekiston xokkey federaciyasi vice-prezidenti Bahodir G'afurov, “Humo Arena” muz saroyi tantanali ochilish marosimi tashkilotchisi Madina Tursunova, Milliy Olimpiya qo'mitasi Bosh kotibi Jasur Matchanov, O'zbekiston elektron OAV milliy associaciyasi raisi Firdavs Abduxoliqov, shuningdek majmua qurilishi uchun masul bo'lgan kompaniyalar vakillari so'zga chiqib, ishtirokchilarga muz saroyining ahamiyati, uning texnik imkoniyatlari, ommaviy va professional sportni rivojlantirishdagi o'rni hamda “Humo Arena” muz saroyining tantanali ochilishi bilan bog'liq jihatlarga to'xtalib o'tdi.

Jumladan, Jismoniy tarbiya va sport vaziri D.Nabiev mamlakatimizda sportning qishki turlarini rivojlantirish va yanada ommalashtirishga alohida etibor qaratilishi natijasida bu borada yurtimizda ulkan o'zgarishlar ro'y bera boshlaganini alohida takidladi:

- Xalqaro talablar darajasidagi, betakror dizayni, keng imkoniyatlari va ko'p qirraliligi bilan Markaziy Osiyoda yagona, deya etirof etilayotgan mazkur majmuaning ishga tushirilishi O'zbekistonimizda yashayotgan har bir yurtdoshimiz qalbida faxr hissini uyg'otishi shubhasiz. Ishonamizki, “Humo Arena” minglab yoshlarimizni o'z bag'riga chorlab, farzandlarimiz har tomonlama sog'lom bo'lib tarbiyalanishiga, ular orasidan yuzlab mahoratli sportchilar etishib chiqishiga xizmat qiladi, – deya o'z so'zini yakunladi D.Nabiev.

SHundan so'ng mutaxassislar jurnalistlarni qiziqtirgan savollarga batafsil javob berdi.

Press-konferenciyada yana bir etiborli voqea ro'y berdi. O'zbekiston Respublikasi Jismoniy tarbiya va sport vazirligi hamda O'zbekiston elektron OAV milliy associaciyasi o'rtasida “O'zbekistonda sog'lom turmush tarzini keng targ'ib qilish, aholini jismoniy tarbiya va ommaviy sportga jalb etish bo'yicha hamkorlik tadbirlarini amalga oshirish to'g'risida”gi Memorandum imzolandi.