"Humo Arena"da xokkey bo'yicha O'zbekiston o'smirlar terma jamoasining taqdimot marosimi o'tkazildi + FOTO

Jamoamiz o'tgan yili Mo'g'uliston poytaxti Ulan-Batorda o'tkazilgan musobaqada g'oliblikni qo'lga kiritgan va tabiiyki, bu yil o'z chempionlik unvonini himoya qilishi kerak.

Taqdimot marosimida barcha yig'ilganlar terma jamoa tarkibi bilan shaxsan tanishish va terma jamoa bosh murabbiyi Abdumadjid Nosirovning tabrik so'zini eshitish imkoniga ega bo'ldi. Ular barcha xokkey ishqibozlarini jamoamizni kubok uchun kurashda qo'llab-quvvatlashga va turnirda ishtirok etuvchi jamoalar o'rtasidagi qiziqarli uchrashuvlarga guvoh bo'lishga taklif qildilar.

Tomoshabinlar uchun bo'lajak turnirga bag'ishlangan viktorina ham o'tkazildi, unda 10 nafar baxtli g'olib bosh homiy – "McCoffee" va O'zbekiston xokkey Federaciyasidan ajoyib sovg'alarini qo'lga kiritdi.

Osiyo va Okeaniya kubogining ochilish o'yini 23 aprel kuni soat 19.30 da “Humo Arena”da bo'lib o'tadi va unda O'zbekiston hamda Eron terma jamoalari o'zaro kuch sinashadi. Ushbu o'yinga, shuningdek, guruh bosqichidagi jamoamiz ishtirokidagi boshqa barcha o'yinlarga chiptalarni iTicket.uz saytidan xarid qilishingiz mumkin.