"Humo" klubiga Rossiya kompaniyasi homiylik qilishi mumkin

Bu haqda O'zbekiston xokkey federaciyasi vice-prezidenti Bahodir G'ofurov TASS agentligiga malum qildi.

"Ayni paytda biz asosiy homiy yoki bir nechta shunga o'xshash homiylarni izlash jarayonidamiz. Bu Rossiya kompaniyasi bo'lishi ham mumkin. Albatta, agar bunday kompaniya yoki uning egalari sankciyalar ro'yxatida bo'lmasa. Mamlakatimizda ham qaysi kompaniya bunday hamkor bo'lishi mumkinligini ko'rib chiqyapmiz", deydi funkcioner.

"Humo" jamoasi joriy mavsumda mamlakat birinchiligida ishtirok etmoqda. O'tgan yili esa "qanotlilar" Qozog'iston chempionatida qatnashib, yarim finalgacha etib borgandi. G'ofurovning so'zlariga ko'ra, mamlakat terma jamoasining bazaviy klubi hisoblanmish "Humo"ning Pro Hokei Ligasy (Qozog'iston chempionati)ga qaytishi ehtimoli ham mavjud.

"Bunday vaziyatda homiy Qozog'iston yoki O'zbekiston kompaniyasi bo'lishi mumkin, ular uchun Qozog'iston va O'zbekiston bozorlari qiziq. Bundan kelib chiqadiki, yana so'nggi paytda barchasiga ulgurishimizga to'g'ri keladi. Biz buni ikki marta boshdan kechirganmiz: 2019 yil yozida VXLga kirganimizda va keyin Qozog'iston chempionatida ishtirok etishni boshlaganimizda. Bu yil esa tayyorgarlik jarayonini kamida may oyidan boshlashni, moliyalashtirish masalasini aniqlab olishni, jamoani shakllantirishni va mavsumga tayyorgarlik ko'rishni istaymiz", deya klub atrofidagi vaziyatga izoh bergan Bahodir G'ofurov.

Federaciya vice-prezidentining qo'shimcha qilishicha, "Humo"ning VXLga qaytishi ehtimoliy xarajatlar oshishi sababli ko'rib chiqilmayapti.

"Bu erda masala byudjetda. Albatta, buning barchasi qimmatga tushadi. Sof moliyaviy nuqtai nazardan biz uchun eng maqbul variant — Qozog'iston. U erdagi liga bizga terma jamoani shakllantirish va o'yin amaliyoti masalalarini hal qilish imkonini beradi", deydi G'ofurov.

2019/20 yilgi mavsumda "Humo" VXLda ishtirok etgan va pandemiya sabab chempionat to'xtatilganidan so'ng yakunda 8-o'rinni egallagandi.