Humoyun To'xtamurodov Maxachev - Volkanovski, CHimaev - Usman janglari uchun taxmin bildirdi

To'xtamurodov UFC'ning shov-shuvli 294-musobaqasi ikki asosiy jangidan nimalar kutmoqda? 

"UFC 294 turnirida umuman biz kutmagan voqealar bo'lib ketdi. Jarohat tufayli raqiblar almashdi. Sportda nimalar bo'lmaydi deysiz. O'zimda ham jangga 5-6 soat qolganida jarohat olib, jangim bekor qilingan holatlar bo'lgan. Buni sportchilar yaxshi tushunadi. Bu vaziyatga tushmagan odamning tushunishi biroz qiyinroq. Xamzat CHimaev - Kamaru Usman jangiga keladigan bo'lsak, Xamzat bo'y borasida Usmandan ancha baland. Agar Usman CHimaevga birorta nokaut qiladigan zarba berib qo'ymasa, BORZ o'zini uslubida 3-raundda sambishn bilan engadi. CHunki Xamzatni kurashi ancha kuchli, raqibini parterda qiynab bo'g'ib qo'yadi deb o'ylayman. 

Islam Maxachev va Aleks Volkanovski o'rtasidagi to'qnashuvga kelsak, revansh birinchi jangdan qiziq bo'ladi deyolmayman. Negaki, Islam Aleksning taktikasini, qaysi vaziyatda qanday jang qilishini biladi. Bu safar Volkanovskini engish Maxachev uchun osonroq bo'ladi. CHunki u 100 foizlik lagerni o'tkazdi. Aleksandr esa to'liq lager o'tkazgani yo'q. Meni niyatim, hamisha musulmonlarning qo'li baland kelsin", - dedi To'xtamurodov.