Humoyunda g'alaba, Sanjar Fayziev yutqazdi - o'zbek tennischilaridan yangiliklar

Qatarda o'tkazilayotgan ITF turnirida Humoyun Sultonov juftlik bahslarida hindistonlik Parikshit Somani bilan birga Kolluru/Kravsevic tandemini 6:4, 6:3 hisoblarida mag'lub etdi va chorak finalga yo'l oldi. Ular ertaga chorak finalda Bakshi/Metreveli tandemiga qarshi o'yin o'tkazishadi. Humoyun yakkalikda bugun hindistonlik V.Kolluruga qarshi kortga chiqadi. 

Portugaliyadagi "CHellenjer" turnirida qatnashayotgan Sanjar Fayziev esa rossiyalik Evgeniy Karlovskiy bilan birga 1:6, 2:6 hisoblarida Eysserik/Molchanov tandemida imkoniyatni boy berdi. 

Turkiyadagi ITF musobaqasida esa Maksim SHin bugun germaniyalik Paul Voerner bilan kuch sinashadi. 

Avvalroq, Nigina Abduraimova Avstraliya Ochiq chempionati saralashining ikkinchi davrasida imkoniyatni boy berganligi haqida xabar bergandik.