Hurramov va Bobonov esa yarim finalda, medalga yaqinmiz!

-100 kg vazn toifasidagi bellashuvlarda yurtimiz sharafini himoya qilayotgan Muhammadkarim Hurramov Dyusseldorf "Katta Dubulg'a" turnirining yarim finaliga yo'l oldi. Hamyurtimiz chorak final bahsida ozarbayjonlik Zelim Kocoevni sof ippon evaziga mag'lubiyatga uchratdi. Birozdan so'ng Muhammadkarim final chiptasi uchun braziliyalik Rafael Buzakariniga qarshi tatamiga chiqadi. 

-90 kg vazn toifasidagi dzyudochimiz Davlat Bobonov ham yarim final ishtirokchisiga aylandi. Dzyudochimiz gruziyalik polvon, o'tgan yilgi Osaka "Katta Dubulg'a" hamda Zagreb Gran-pri turnirlari g'olibi Beka Gviniashvilini muddatidan avval taslim etdi. Bobonovning yarim finaldagi raqibi birozdan so'ng aniqlanadi.

Afsuski, +100 kg vazn toifasidagi polvonimiz Bekmurod Oltiboev musobaqadagi ishtirokini yakunladi. Ishtirokini to'g'ridan-to'g'ri ikkinchi davradan boshlagan Oltiboev gruziyalik Onise Bugadzeni mag'lubiyatga uchrata olgandi. Ammo, chexiyalik Masey Sarnachkiga qarshi kechgan bellashuvda u mag'lubiyat alamini totib ko'rdi.