IBA Jahon chempionati. Bugun uch nafar bokschimiz ringga ko'tariladi (Juftliklar)

Bugun jahon chempionatining to'rtinchi kuni 3 nafar charm qo'lqop ustamiz ringga ko'tariladi. Ulardan SHavkatjon Boltaev va Xo'janazar Nortojiev musobaqadagi birinchi jangini o'tkazadi. Sayat Ilyasovni esa ilk jiddiy sinov kutmoqda. U ikkinchi jangida Qirg'iz Respublikasi bokschisi Omar Livazaga qarshi ringga chiqadi.  

Kunduzgi dastur janglari bizning vaqti bilan soat 18:00, kechki blok esa soat 22:00da boshlanadi. 

Bokschilarimiz ishtirokidagi janglar:

-63,5 kg: Sayat Ilyasov - Omar Livaza (Qirg'iz Respublikasi) soat 19:45

-67 kg: SHavkatjon Boltaev - Osorio Muxanga (Mozambik) 20:45

-57 kg: Xo'janazar Nortojiev - Rukmal Podi (SHri-Lanka) 22:45

Eslatib o'tamiz, kechagi kun doirasida Asilbek Jalilov (-54 kg) turkiyalik Sadai Axiskalini, Fazliddin Erkinboev (-75 kg) qirg'izistonlik Sirgak Abdijapar uuluni hakamlarning yakdil qarori bilan mag'lubiyatga uchratgandi. Olimpiada chempioni Abdumalik Halakovning ekvadorlik raqibi Kevin Moskuera esa ringga chiqmagani uchun texnik g'alaba hamyurtimizga taqdim etilgan edi.