IBF Murodjon Ahmadalievga chempionlik uzugi sovg'a qildi + FOTO

IBF tashkiloti barcha vazn toifalaridagi chempionlarni bir joyda jamladi. Taklif etilganlar orasida hamyurtimiz Murodjon Ahmadaliev ham bor. O'z kamarini uch marotaba muvaffaqiyatli himoya qilgan charm qo'lqop ustamiz chempionlar gala tadbirida ishtirok etdi. IBF Ahmadalievga barcha kamar sohiblari qatori esdalik uchun chempionlik uzugi sovg'a qildi.      

"Alhamdulillah, taklif va sovg'a uchun IBF tashkilotiga katta rahmat. Meni esdalik sovg'asiga munosib ko'rishgani uchun tashakkur izhor qilaman. In sha Alloh, tez orada o'z kamarlarimni qaytarib olaman. Meni hamisha, har qanday holatda ham qo'llab-quvvatlab kelayotgan jamoamga minnatdorlik izhor etaman. Yangi cho'qqilarni zabt etish uchun harakatni davom ettiramiz", - dedi Ahmadaliev.