IJF Judo Awards 2025! Yilning eng yaxshilariga ovoz berish boshlandi. Ikki yo'nalishdagi davogarlar orasida biznikilar ham bor!

Etiborlisi, taqdim etilgan nominaciyalarning ikkitasida biznikilar ham davogarlar ro'yxatiga kiritilgan:

1. "Bolalar uchun yilning eng yaxshi loyihasi" (Judo for Children Project of the Year)

Diyora Keldiyorovaning dzyudo maktabi - ochilganiga hali unchalik ham ko'p bo'lmagan ushbu ixtisoslashtirilgan dzyudo zalida 300 nafarga yaqin bolalar shug'ullanmoqda

2. Yilning murabbiylik yutug'i (Coaching Achievement of the Year)

Aurelian-CHiprian Flis, O'zbekiston o'smirlar terma jamoasi bosh murabbiyi. Bu mutaxassis qo'l ostida o'smirlar terma jamoamiz Bolgariyada o'tgan jahon chempionatida 5 ta oltin va 2 ta bronza medali bilan umumjamoa hisobida 71 davlat orasida 1-o'rinni egallagandi. O'smirlarimiz shu yil Indoneziyadagi Osiyo chempionatida ham jami 18 ta medal bilan birinchi bo'lishdi.  

Ovoz berish jarayoni:

Kechadan boshlangan ovoz berish jarayoni 15 yanvarga qadar davom etadi. Har bir ishtirokchi bitta ovoz berish imkoniga ega. Ovozlar berilganidan keyin uni o'zgartirib  bo'lmaydi. G'oliblar 2026 yilgi Parij Grand Slam doirasida o'tkaziladigan IJF Awards 2025 marosimida elon qilinadi. 

️Barchani Diyora Keldiyorova va Aurelian-CHiprian Flisga ovoz berish jarayonida faol ishtirok etishga chorlaymiz!

Ovoz berish uchun havola: https://judotv.com/awards