IJF Tokio Katta dubulg'a turniri o'rniga boshqa musobaqa o'tkazadi

 IJF endilikda Tokio turniri o'rniga Gran-pri tasnifiga kiruvchi musobaqa tashkil qilinishi haqida xabar berdi.

Xorvatiya dzyudo federaciyasi bilan kelishilgan holda 30 oktbyar – 1 noyabr kunlari Zagreb shahrida Gran-pri turniri o'tkaziladi. Aytish mumkinki, bu qaror musobaqalarda ishtirok etishni istagan mamlakatlar uchun bir muncha qulaylik yaratadi. Boisi 23-25 oktyabr orasida Budapesht Katta Dubulg'a turniri o'tkazilsa, dzyudochilar mazkur turnirdan keyin Vengriyadan uncha uzoq bo'lmagan Xorvatiyaga safar uyushtirishlari mumkin.

“Mazkur vaziyatda Xalqaro dzyudo federaciyasining asosiy vazifasi – o'z oilasi va sportchilarining salomatligini saqlash. Hamkorlarimiz bilan birga barcha uchun qulay muhitni yaratishda davom etamiz”, – deya izoh beradi IJF prezidenti Marius Vizer.

SHu tariqa yaqin vaqt ichida o'tkaziladigan dzyudo musobaqalari quyidagi sanalarda tashkil qilinadi:

23-25 oktyabr: Budapesht Katta Dubulg'a turniri;

30 oktyabr-1 noyabr: Zagreb Gran-prisi;

11-13 yanvar: Doxa Masters.

Izoh: Barcha musobaqa Tokio Olimpiadasiga licenzion reyting ochkolarini taqdim qiladi.