Ikki kurashchimiz Prezident sovrini uchun o'tkazilgan turnir chempioni, yana birida kumush!

O'zbekiston Respublikasi Prezidenti sovrini uchun Pahlavon Mahmud xotirasiga bag'ishlab o'tkazilgan xalqaro turnirda dunyoning ko'plab davlatlaridan kelgan sara kurashchilar 2 ta (-90 va +90 kg) vazn toifasida gilamga chiqdi. Yurtimiz sharafini Rizamat Soliev murabbiyligidagi terma jamoamizning 4 nafar kurashchisi himoya qildi. 

Biroz avval 50 000 tomoshabinni o'z bag'riga sig'dira oluvchi "Zeinal-Khan Traditional Wrestling Arena"da hal qiluvchi final bellashuvlari o'tkazilib, barcha g'olib va sovrindorlar nomi malum bo'ldi. Mutlaq vaznda o'tgan final bahsida terma jamoamizning ikki vakili Asror Hamidov va Muhsin Hisomiddinov ro'baro' keldi. Bu bellashuvda tajriba o'z so'zini aytdi. Muhsin polvon chempion, Asror polvon esa kumush medalni qo'lga kiritdi. Yana bir kurashchimiz Alixon Nodirov (-90 kg) ham chempionlik shohsupasiga ko'tarildi. 

Malumot uchun, musobaqaning umumiy mukofot jamg'armasi 10 000 AQSH dollari bo'lib, g'oliblar 3000 dollarga ega bo'ldi. Kumush medal sohiblari 1000, bronza medalga ega chiqqanlar o'z hamyonlarini 500 dollarga boyitib olishdi.