15 mar 10:03
Yangiliklar

Stol tennisi

Ikki nafar stol tennischimiz Qozog'istonda tengsiz bo'ldi

Qozog'istonning CHimkent shahrida stol tennisi bo'yicha kattalar va yoshlar o'rtasida o'tkazilgan xalqaro turnirda Rozalina Xo'jaeva hamda So'g'diyona Madalieva mamlakatimiz sharafini munosib himoya qildi.

Unda dunyoning 7 mamlakatidan kelgan yuzga yaqin stol tennischilar yakkalik va juftlik bahslarida o'zaro raqobatlashdi.

Musobaqaning kattalar o'rtasidagi bahslarida Rozalina Xo'jaeva barcha raqiblarini mag'lubiyatga uchratib oltin medalni qo'lga kiritdi. Yoshlar o'rtasida esa So'g'diyona Madalieva ham shohsupaning eng yuqori pog'onasidan joy oldi.

Eslatib o'tamiz, yaqinda O'zbekiston stol tennisi federaciyasi raisi Saida Mahmudova hamda mutassaddi rahbarlar tomonidan Andijon viloyatida sportchi va murabbiylar uchun o'quv seminar tashkil etilgandi. Qozog'istondagi yutuqlarimiz esa bu kabi seminarlar o'z mahsulini bera boshlaganidan nishonadir.