Ilhom Bahromov ROZK tarbiyalanuvchilariga mahorat saboqlari o'tkazdi

Yunon-rum kurashi bo'yicha O'zbekiston terma jamoasi azosi, o'smirlar Olimpiadasi g'olibi, Osiyo chempioni, jahon chempionatining kumush medali sovrindori Ilhom Bahromov Respublika olimpiya zaxiralari kolleji tarbiyalanuvchilari bilan uchrashdi.

Bahromov bir paytlar o'zi tahsil olgan, yunon-rum kurashi sir-asrorlarini o'rgangan sport maskanida yosh "klassiklar"ga mahorat saboqlarini namoyish etib berdi. Yosh kurashchilar o'zlarini qiziqtirgan savollarga javob olishdi. O'z o'rnida Ilhom Bahromov g'alabani siri faqat tinimsiz mehnatda ekanligini urg'uladi va ukalariga bo'lajak musobaqalarda omad tiladi.