Ilias Iliadis: Yigitlardagi ishtiyoq meni xursand qilmoqda

14 fevralga qadar davom etadigan ushbu yig'inda O'zbekiston va mezbonlardan tashqari Ozarbayjon, Italiya, Bolgariya, Ukraina, SHveycariya kabi kuchli terma jamoalar ham asosiy tarkiblari bilan mashg'ulot olib borishmoqda. 

"Tel-Aviv turniriga tayyorgarlik reja asosida davom etmoqda. Ushbu yig'in barcha ishtirokchi davlat terma jamoalari singari biz uchun ham foydali bo'lyapti. Meni birinchi navbatda yigitlarning o'zlariga bo'lgan ishonchi, mashg'ulotlarga ishtiyoq bilan yondashayotgani xursand qilmoqda. Nomdor dzyudochilar bilan o'tkazilayotgan sparring-bellashuvlar ham foydamizga xizmat qilishidan umidvorman. Eng muhimi, dzyudochilar bu yig'indan olgan ko'nikmalari, o'rganganlarini Isroildagi musobaqada ko'rsata bilishsin. O'rganish boshqa, uni amaliyotga tadbiq etish umuman boshqa narsa. SHundan kelib chiqib ham yigitlarga o'zlariga bo'lgan talabni yanada oshirishni so'rayapman, talab qilyapman. Olimpiadagacha barmoq bilan sanarli musobaqalar qoldi. Har bir turnirdan maksimal darajada ochko olishga harakat qilish kerak", - dedi terma jamoa bosh murabbiyi Ilias Iliadis. 

Malumot uchun, Antaliya yig'ini barcha terma jamoalar uchun oldinda turgan Tel-Aviv "Katta Dubulg'a" turniriga so'nggi tayyorgarlik bosqich vazifasini o'tab bermoqda.