Ilyas Bekbulatov: -65 kg vazndagi yoqimli ananani davom ettirmoqchiman!

Buning natijasida qator sport turlari bo'yicha katta-kichik nufuzdagi musobaqalar bekor qilinmoqda. Bundan sport kurashlari ham chetda qolgani yo'q. 27-29 mart kunlari Qirg'izistonning Bishkek shahrida o'tkazilishi rejalashtirilgan Tokio-2020 Olimpiadasining Osiyo qitasi uchun licenzion musobaqasi bekor bo'ldi. Qirg'iziston hukumati koronavirus xavfi tufayli musobaqa mezbonligidan voz kechdi. Aslida bu turnir koronavirusning o'chog'i bo'lgan Xitoyda o'tkazilishi kerak edi. 

Osiyo chempionatida muvaffaqiyatli tarzda qatnashgan sport kurashchilarimiz aynan Bishkekka ko'chirilgan licenzion turnirga tayyorgarlik ko'rishayotgandi. Hozircha musobaqaning yangi manzili hamda uning qachon o'tkazilishi haqida hech qanday malumot yo'q. 

Biz Hindistondan Osiyo chempionatining oltin medali bilan qaytgan Ilyas Bekbulatovdan musobaqa taassurotlari hamda Olimpiada yo'lidagi rejalar xususida intervyu oldik.   

- Albatta, o'zim uchun birinchi eng katta musobaqada qatnashib, Osiyo chempioni bo'lish menga katta sharaf, - deya so'z boshladi -70 kg vazn toifasida yurtimiz sharafini himoya qilgan I.Bekbulatov. - O'zbekiston bayrog'ini Hindiston zaminida baland ko'targanimdan xursandman. Hal qiluvchi final bahsida eronlik Amirhusayn Ali Husaynidan ustun keldim. Finalgacha Qirg'iziston va Mo'g'uliston terma jamoalari azolarini mag'lubiyatga uchratgandim. 

- Hozir siz sanab o'tgan raqiblar bilan avval ham musobaqalarda to'qnash kelganmidingiz?

- Yo'q. Uchchala kurashchi bilan ham ilk bor gilamda uchrashdim. Buning asosiy sababi - men -65 kg vaznda kurashaman. -70 kg vazn toifasida esa ilk bor ishtirok etib ko'rdim. Lekin Eron, Qirg'iziston va Mo'g'ulistonning boshqa kurashchilari bilan avvallari musobaqalarda to'qnash kelganman.  

- Siz Osiyo chempioni bo'lgan -70 kg vazn toifasi Olimpiada vazni hisoblanmaydi. Siz Tokio-2020 Olimpiadasi licenziyasi uchun -65 kg vaznda kurashasiz. Bu vaznda hamyurtimiz Ixtiyor Navro'zov to'rt yil oldin Rioda Olimpiya o'yinlarining bronza medali sovrindori bo'lgandi. Aytingchi, vazn almashtirish sizga qiyinchilik tug'dirmaydimi?

- Ayni paytdagi vaznim 70 kg va musobaqagacha ortiqcha 5 kilogrammdan xalos bo'lish menga qiyinchilik tug'dirmaydi. Nasib qilsa, -65 kg vazndagi yoqimli ananani davom ettiraman. Buning uchun birinchi galda Olimpiada yo'llanmasini qo'lga kiritib olishim kerak. Bu vazifani uddalay olishimga ishonaman. 

- Gilamda principial raqibingiz bormi?

- Principial raqibim yo'q. Har bir uchrashuvga xuddi final bellashuviga chiqayotgandek tayyorgarlik ko'raman. Raqiblarimni esa hurmat qilaman. Raqibga to'liq baho bermaslik yaxshi oqibatlarga olib kelmaydi. 

- Do'stlarigiz Ilyasning sevimli taomi osh deyishdi. Ular to'g'ri aytishibdimi?

- Ha, adashishmabdi. Musobaqa va yig'inlardan so'ng albatta osh markaziga boraman.