Ilyas Bekbulatov kuchlilar turniri g'olibi!

Hozirgina yakuniga etgan turnirda -70 kg vazn toifasining kuchli sakkiz nafar polvoni Artur Taymazov hamda uning hamkorlari tomonidan tashkil etilgan “Pro League” musobaqasida bellashishdi.

Quvonarlisi, kuchlilar turnirida ishtirok etgan hamyurtimiz, amaldagi Osiyo chempioni Ilyas Bekbulatov raqiblarini mag'lubiyatga uchratib, oltin medal hamda g'olibga atalgan 300 000 rubl pul mukofotiga ega bo'ldi. Kurashchimiz 1/4 finalda Evropa chempioni Imam Ganishevni 10:0, 1/2 finalda yoshlar o'rtasida jahon chempioni, Rossiya chempionatining bronza medali sovrindori Anzor Zakuevni 9:3 hisobida mag'lubiyatga uchratdi. 

Hal qiluvchi final bellashuvida esa jahon chempioni David Baevga qarshi gilamga chiqib, nomdor raqibidan 6:4 hisobida ustun keldi va “Pro League” chempioniga aylandi.