Internet "nol"ligi sabab uyning tomidan kuzatilgan mahorat saboqlari + FOTO

Jumladan, O'zbekistonda ham ushbu dastur amalda. Qoraqalpog'iston Respublikasi, barcha viloyatlar hamda Toshkent shahridagi avvaldan tanlab olingan umumtalim maktablarda dzyudo to'garaklari faoliyat yuritmoqda. Ushbu maktablarda 5-12 yoshli bolalar dzyudo orqali ijtimoiy, talimiy va jismoniy ko'nikmalarni o'rganishyapti.

O'zbekiston dzyudo federaciyasi tomonidan Zoom platformasi orqali aynan ushbu maktablarda dzyudo sir-asrorlarini o'rganayotgan bolalarning murabbiylari uchun mahorat saboqlari tashkil etildi. Uni yaponiyalik taniqli mutaxassis, terma jamoa murabbiylar shtabi azosi Tomoo Torii olib bordi. 

Onlayn tarzda o'tkazilgan mahorat saboqlarini O'zbekiston Milliy olimpiya qo'mitasi prezidenti Rustam SHoabdurahmonov, MOQ prezidenti maslahatchisi Nazirjon Xudoyqulov, O'zbekiston taekvondo WT associaciyasi raisi SHerzod Tashmatov kuzatib borishdi.   

"O'zbekiston dzyudo federaciyasi rahbariyati murabbiylar tanlovi bo'yicha juda to'g'ri qarorga kelgan. Ilias Iliadis olimpiada chempioni, bugungi mashg'ulotni o'tkazayotgan Torii parter ustalarilan hisoblanadi. Ularning say-harakatlari o'z mehnatini berishiga ishonaman. Faqat murabbiylarimizga taklifim - kattalar terma jamoasida qanday uslubda mashg'ulot jarayoni olib borilayotgan bo'lsa, buni kadetlar, yoshlar va bugun biz ko'rayotgan maktablardagi to'garaklarga ham joriy qilish kerak. SHunda yosh dzyudochilar vertikal tarzda kattalar terma jamoasiga tayyor bo'lib borishadi. Keyin bu kabi onlayn-mashg'ulotlarni viloyatlardagi murabbiy va sportchilar bilan ham ko'proq o'tkazish kerak. Kelasi mashg'ulotga maktablarda shug'ullanayotgan dzyudochilarning o'zlarini ham jalb qilinglar. Mana bugun men murabbiylarni ko'rayapman, aksariyati tajribali mutaxassislar. Sizlarga ishonchimiz ham, umidimiz ham katta. Terma jamoamizning ertangi kuni aynan sizlarga bog'liq. SHu sababdan ham masuliyatni his etib, onlayn-mashg'ulotdan olgan yangiliklarni o'z mashg'ulotlaringizga tadbiq etib boringlar", - dedi R.SHoabdurahmonov.

Onlayn mahorat saboqlarini olib borgan yaponiyalik mutaxassis bir nechta usullarni amaliy tarzda ko'rsatib berdi. Reja bo'yicha onlayn-mashg'ulot uch kun davomida o'tkaziladi. Ertangi mashg'ulotda bevosita maktablarning dzyudo tarbiyalanuvchilari ham ishtirok etadi. 

SHu o'rinda Tomoo Torii ishtirokidagi mahorat saboqlariga murabbiylar tomonidan katta qiziqish bildirilganini aytish joiz. Navoiy viloyati Qiziriq tumani murabbiyi Mirshod Jamolov internet aloqasining deyarli yo'qligi sabab, hatto o'z uyining tomiga chiqib onlayn-mashg'ulotni kuzatib bordi. Internet ishlamayapti deb bahona qilib qo'yishi ham mumkin edi. Murabbiyni hech kim buning uchun urishmasdi. Albatta, bu ham murabbiylarimizning o'z kasbiga fidoiyligidan darak berib turibdi. 

Onlayn-mashg'ulot so'nggida MOQ prezidenti aynan shu holatga ham alohida urg'u qaratib, murabbiyga tashakkur izhor qildi va internet masalasida amaliy yordam ko'rsatilishini aytib o'tdi.