07 mar 12:26
Yangiliklar

Dzyudo

Irisxon jahon chempionati sovrindori, reytingda 5-o'rinni egallab turgan raqibasini engdi FOTOGALEREYA

Poytaxtimizdagi muhtasham "Humo" arena saroyida dzyudo bo'yicha Toshkent "Katta Dubulg'a" turnirining uchinchi kungi bellashuvlari davom etmoqda.

Ayollar o'rtasidagi musobaqaning -78 kg vazn toifasida yurtimiz sharafini himoya qilayotgan ham yoshlar, ham kattalar o'rtasida amaldagi O'zbekiston chempioni Irisxon Qurbonboeva turnirdagi ikkinchi g'alabasiga erishdi.

Dastlab qozog'istonlik Zarina Rayfovani ippon bahosi evaziga mag'lub etgan Irisxon nimchorak finalda reytingning 5-pog'onasidan joy olib turgan jahon chempionatining bronza medali sovrindori, britaniyalik Natali Pauellni ikkita vazari bahosi evaziga mag'lub eta oldi. Bu bilan u o'ziga kamida kuchli sakkiztalikdan joy naqd qildi. Endi Qurbonboeva chorak finalda isroillik Inbar Lanirga qarshi tatamisha chiqadi.