Irji Proxazka jarohati haqida ilk bor gapirdi

«Barchaga rahmat. Meni qo'llab turgan barcha insonga rahmat aytaman. Glover oldida uyatliman, undan uzr so'rayman. Jangga oz qolganida men oktagonga ko'tarila olmasligim malum bo'ldi. Bu hayot. Ankalaev va Blaxovichni esa chempionlik jangi bilan tabriklab qolaman. Nima bo'lgan taqdirda ham men o'zimni chempion deb hisoblayman. Hali qaytaman va kamar uchun ovni boshlayman. Men hali qaytaman»,-deb fikr bildirdi Irji Proxazka.

Eslatib o'tamiz, Irji Proxazka va Glover Teyshera o'rtasidagi jang 10 dekabr kuni bo'lib o'tishi kerak edi. Biroq 29 yoshli jangchi elkasidan jarohat oldi, bu jarohat haqida esa Dana Uayt "eng yomon jarohat" deb takidladi.