Ishonasizmi? Maqtanchoq Battl 6 ta jangda 3-marotaba vazn qila olmadi

Bir sutkada UFC 319 turniridan mahrum bo'ldi. Avvaliga engil vazn toifasida Bobbi Grin va Diego Ferreyra o'rtasidagi jang 38 yoshli Bobbi sabab bekor qilindi. Keyin TUF shousi 33-mavsumi finali doirasi yarimo'rta vazndagi Daniil Donchenko va Rodrigo Sezinando jangi vazn tashlash bilan bog'liq muammo sabab karddan echildi. 

Afsuski, uchinchi yo'qotish hamyurtimiz Nursulton Ro'ziboevning jangiga to'g'ri keldi. Uning amerikalik raqibi Brayan Battl o'rta vazn toifasi meyorini bajara olmadi. U tarozida 4 funt, yani 1.81 kg ortiqcha vazn ko'rsatdi. Maqtanchoq Brayanning tarozidan oldingi vahimalarini dunyoni buzayotgandi.  

Avvaliga uning Nursulton bilan jangi o'z kuchida qolishi, faqat amerikalik gonorarining 30 foizini hamyurtimizga berishi aytilgandi. Bunga Ro'ziboe ham rozi bo'lgandi. Ammo keyinchalik UFC rasmiylari jangning bekor qilinganini aytishdi. 

Qizig'i, Battl birinchi martta bunday qovun tushirmayotgan ekan. U 6 ta jangining 3 tasida vazn qila olmagan. O'tgan yilning dekabr oyida Rendi Braunga qarshi jang oldidan belgilangan vazn meyorini bajara olmaganidan keyin o'rta vazn toifasiga o'tkazilgan edi. Katta ehtimol bilan maqtanchoq xo'roz endi promoushendan haydaladi.