Islam Maxachev: "Volkanovski bilan tarix yopildi"

Muhtasham "Etixad Arena"da uzoq kutilgan UFC 294 turniri bo'lib o'tdi. Oqshomning markaziy jangida engil vazn toifasida amaldagi UFC chempioni Islam Maxachev yarim engil vazn chempioni Aleksandr Volkanovskiga qarshi oktagonga ko'tarildi. Jangning birinchi raundidayoq Islam raqibini oyoqda yo'llagan xaykik zarbasi bilan mag'lubiyatga uchratdi. 

"Men bo'yi past raqiblarimning bosh qismiga oyoqda yaxshi zarba yo'llayman. Buni bugun ham isbotladim. Volkanovski bilan jangga asosiy rejamiz aynan shunday edi va bu ish berdi. Bir nechta lou-kik zarbalarini yo'llab, Volkanovskini xato qilishga majbur etdim. Raqibimning oyoq, tana va keyin bosh qismiga zarba berish ustida bir necha oy ishladik. Bu vazifani yuz foizga uddaladim. 

"Raqibimni birinchi raunddayoq mag'lubiyatga uchratganimdan xursandman. Nega? Agar bu ishni chempionlik raundlarida amalga oshirganimda, odamlar Aleksni jangni qisqa muddatda qabul qildi, besh raundlik jangga tayyorgarligi yaxshi bo'lmadi degan gaplarni yog'dirishardi. Endi Volkanovski bilan tarix yopildi. 

"Ayrim odamlar mening zarba texnikamga past baho berishadi. Bundan buyon ular meni hurmat qila boshlashadi. Men faqat kurashchi va greppler emasligimni isbotladim. Ayni paytda dunyoning eng yaxshi MMAchisiman", - dedi Maxachev kechagi jangdan keyin o'tkazilgan matbuot anjumanida.