Islom birdamligi o'yinlarida medallar jamg'arish bo'yicha nechanchi o'rindamiz?

Kechagi kungi bahslardan so'ng O'zbekiston terma jamoasi 2 ta oltin, 2 ta kumush, 3 ta bronza, jami 7 ta medal bilan 56 davlat orasida umumjamoa hisobida 3-o'rinni egallab turibmiz. Kechagi bellashuvlarda para suzuvchimiz Azizbek Boynazarov 100 metr masofaga o'tkazilgan batterflyay bahsida terma jamoamizga ikkinchi oltin medalni taqdim etdi. Ushbu finalda ishtirok etgan Sultonbek Nuriddinov esa bronza medaliga sazovor bo'ldi. 

Medallari jamg'arish bo'yicha Turkiya terma jamoasi peshqadamlikni o'z qo'liga oldi. Kecha mezbonlar para suzish bahslaridagi oltin medallar evaziga birinchi o'ringa ko'tarilib olishdi. Turkiya hisobida 3 ta oltin, 2 ta kumush, 2 ta bronza medali bor. Qozog'iston sportchilari 3 ta oltin, 1 ta kumush, 3 ta bronza medali bilan ikkinchi o'rinni band etishgan. BAA 2 ta oltin va 1 ta bronza medali bilan 4-o'rinni band etgan bo'lsa, Eron terma jamoasi 1 ta oltin, 4 ta kumush medali bilan kuchli beshlikka yakun yasagan. 

SHuningdek, Malayziya (1 ta kumush), Uganda (1 ta kumush) va Saudiya Arabistoni (1 ta bronza) delegaciyalari ham V Islom birdamligi o'yinlarining bitta medalini qo'lga kiritgan.