“Islom birdamlik o'yinlari”. 44ta medal bilan 4-o'rindamiz, oltinlarimiz 9taga etdi

Bugun musobaqaning navbatdagi kuni sportchilarimiz yaxshi start olishdi. Para-atletikaning nayza uloqtirish bahslarida ishtirok etgan hamyurtimiz Aleksandr Svechnikov terma jamoamizga to'qqizinchi oltin medalni taqdim etdi.

Kecha yagona oltin medalni og'ir atletikachimiz Rustam Jangabaev qo'lga kiritgandi. Hozircha hisobimizda 12ta kumush, 23ta bronza, jami 44ta medal bor. Bu bilan medallar jamg'arish bo'yicha umumjamoa hisobida hamon 4-o'rinni egallab turibmiz.

55 ta oltin, 46 ta kumush, 39 ta bronza, jami 140 ta medalni qo'lga kiritgan Turkiya terma jamoasi hamon 1-o'rinni band etgan. Ozarbayjon terma jamoasi ikkinchi o'rinda boryapti. Mezbonlar hisobida 50 ta oltin medal bor. Kumush medallar soni 29, bronza esa 20 tani tashkil qilmoqda.

Umuman olganda, ayni daqiqalargacha 20 ta davlat terma jamoalari kamida bitta oltin medalni qo'lga kiritishga muvaffaq bo'lishdi. 54ta ishtirokchi davlat jamoalaridan 33tasi kamida bitta bronza medaliga egalik qilyapti.