“Islom birdamlik o'yinlari”. Medallarimiz 47 taga etdi, oltinimiz 10 ta bo'ldi

Ayni daqiqalargacha ushbu nufuzli musobaqada qo'lga kiritgan umumiy medallarimiz soni 47taga etdi. Bundan bir necha daqiqa oldin bokschimiz Abdulhay SHorahmatov finalda turkmanistonlik Yakub Meredovni mag'lub etib, terma jamoamizga 10-oltin medalni taqdim etdi.

SHuningdek, hisobimizda 12ta kumush, 25ta bronza, jami 47ta medal bor. Bu bilan medallar jamg'arish bo'yicha umumjamoa hisobida hamon 4-o'rinni egallab turibmiz.

55 ta oltin, 47 ta kumush, 39 ta bronza, jami 141 ta medalni qo'lga kiritgan Turkiya terma jamoasi hamon 1-o'rinni band etgan. Ozarbayjon terma jamoasi ikkinchi o'rinda boryapti. Mezbonlar hisobida roppa-rosa 100ta medal bor. SHulardan teng yarmi oltin medallardir.