Islomjon Bahromovni tabriklaymiz!

Islom Bahromov 1995 yil 17 iyul kuni Samarqand villoyatining Oqdaryo tumani Loyish shaharchasi "Navro'z" mahallasida dunyoga kelgan. Birinchi murabbiyi - O'rol Ziyoev. Avvaliga Respublika ixtisoslashtirilgan olimpiya zaxarilari maktab-internatida, keyin O'zbekiston davlat jismoniy tarbiya universitetida tahsil olgan. 

Aka-uka Islomjon hamda Ilhomjon Bahromovlar o'smirlar, yoshlar va hozir kattalar terma jamoasi safida yurtimiz sharafini munosib himoya qilib kelishmoqda. Islomjon kattalar o'rtasida Osiyo chempioni, Islom Birdamlik o'yinlari va Yopiq inshootlardagi Osiyo o'yinlari sovrindori hisoblanadi. Ikki bor Osiyo chempionatining bronza medalini qo'lga kiritgan. O'tgan yilning fevral oyida Hindistonning Nyu-Deli shahrida o'tgan qita chempionatida bronza medaliga ega chiqqan.

Fursatdan foydalanib, Islomjon Bahromovni bugungi tavallud ayyomi bilan muborakbod etamiz. Unga sihat-salomatlik tilaymiz, musobaqalarda qo'li hamisha baland bo'lsin, deya niyat qilamiz.