Isroil Madrimov Fyuri - Usik II anderkardida jang qilishi mumkin!

Promouter Eddi Xirnning aytishicha, Turki Al al-shayx 21 dekabr kuni Saudiya Arabistonining Ar-Riyod shahridagi "Kingdom Arena" majmuasida tashkil etiladigan boks oqshomida super yarim o'rta vazn toifasida WBA sobiq chempioni Isroil Madrimov jang qilishini xohlaydi.

"Turki bizga va Madrimovga qo'ng'iroq qilib, "Men sizlarni 21 dekabrga mo'ljallangan kardda bo'lishingizni istardim. Umid qilamanki, bu sodir bo'ladi va biz super yarim o'rta vazndagi katta janglarni davom ettiramiz", deb aytdi", dedi Xirn.

Mazkur oqshomning markaziy jangi ukrainalik Aleksandr Usik hamda britaniyalik Tayson Fyuri o'rtasida kechadi.

Avvalroq, Madrimovning o'zi Krouford bilan revansh jangini xohlashini aytgan edi. Biroq Terensni endi faqatgina Saul Alvares bilan jang qiziqtirmoqda.