11 iyu 14:45
Yangiliklar

Boks/MMA

Isroil Madrimov keyingi jangini Britaniyaning birinchi raqamli bokschisiga qarshi o'tkazishi mumkin

Superyarim o'rta vazn toifasidagi professional bokschimiz Isroil Madrimov (9-0-1) keyingi jangini britaniyalik Jeyms Metkalfga (25-2-0) qarshi o'tkazishi mumkin ekan.

Bu haqda Matchroom promouterlik kompaniyasi rahbari Eddi Xirn malum qilgan. Ayni paytda jang bo'yicha tomonlar muzokara olib borishyapti va ahamiyatlisi, to'qnashuv WBA jahon chempionlik kamari uchun o'tkazilishi mumkin. Bu borada WBA tashkilotiga taklif yuborilgan.

Hozirda superyarim o'rta vazn toifasida WBA chempionlik kamari amerikalik Jermell CHarloga (35-1-1) tegishli bo'lib turibdi. Madrimov esa WBA reytingida birinchi raqamli davogar hisoblanadi. Uning ehtimoliy raqibi bo'lmish Jeyms Metkalf esa ushbu reytingda uchinchi o'rinda bormoqda.

Malumot uchun, Metkalf superyarim o'rta vaznda BoxRec reytingida Buyuk Britaniyaning birinchi raqamli bokschisi sifatida qayd etilgan.