Isroil Madrimov Mishel Sorodan "qutulgan" ko'rinadi, Soroning navbatdagi raqibi va jang sanasi malum bo'ldi

Birinchi o'rta vaznda franciyalik professional bokschi Mishel Soroning (35-3-2) navbatdagi jangi qachon va qaerda bo'lishi malum qilindi.

Unga ko'ra, Soro 6 may kuni rossiyalik Magomed Qurbonovga (24-0) qarshi ringga ko'tariladi. Jang Ekaterinburgda tashkil etiladigan RCC Boxing Promotions oqshomi doirasida o'tkazilib, markaziy jang maqomida bo'lib o'tadi.

Bokschilar 2019 yilda WBA chempionlik kamari uchun jang qilishi lozim edi, biroq jang bekor qilingan edi.

Eslatib o'tamiz, Soro so'nggi ikki jangini hamyurtimiz Isroil Madrimovga qarshi o'tkazgan edi. Birinchi Madrimov g'alaba qozongan bo'lsa, revansh jangida Soroning jarohat olishi natijasida durang elon qilingan.