Isroil Madrimov: Rekordi yaxshi bokschilarning hech biri biz bilan jang qilishga rozi bo'lmadi

Isroil Madrimovning yangi raqibi elon qilinishi bilan boks muxlislari tomonidan raqibning kuchsizligi, chempionlik jangi o'tkazilmayotgani haqida izohlar bildirildi. Olamsport.com sayti muxbiri ayni vaqtda AQSHda mashg'ulotlarni davom ettirayotgan Madrimov bilan bog'lanib mazkur vaziyatga izoh berishini so'radi.

Madrimov ushbu bahs boshqa vazn toifasida bo'lishini malum qildi.

«O'zi bu jang rejada yo'q edi. Birdan paydo bo'ldi, keyin raqib qidirishga kirishdik. Igbokvegacha raqib 4 marta almashdi. Rekordi yaxshi bokschilarni jangga chaqirdik. Lekin hech biri rozilik bildirmadi. Faqat Rafael Igbokve rozi bo'ldi. SHunda ham bu bokschi o'rta vazn(72,5 kg)da, biz uning divizionida jang qilamiz. 

Bizga chempionlik jangini berishmayapti. CHunki CHarloning qo'lida jarohat bor. Lekin biz jang o'tkazib tajribamizni oshirishimiz, jang amaliyotida bo'lishimiz kerak», - dedi Madrimov.