Isroil Madrimov rossiyalik Jahon chempioni bilan jang qilish istagida - manba

Pagmayrning so'zlariga ko'ra, Isroil yana bir-ikkita jangdan keyin IBF kamari sohibi Baxram Murtazalievga qarshi ringga ko'tarilish niyatida.

"Isroil Madrimov Krouford va Ortis bilan jangda orttirib olgan burnidagi va boshqa jarohatlardan tiklanmoqda. Reja bo'yicha u bir yoki ikkita jang o'tkazib, keyin super yarim o'rta vaznda IBF chempioni Baxram Murtazalievga qarshi chiqmoqchi", deb yozgan Pagmayr o'zining X sahifasida.

Malumot uchun, 30 yoshli Xorazmda tug'ilgan Isroil Madrimov prof faoliyati davomida 13 ta jang o'tkazib, 10 ta g'alaba, 2 ta mag'lubiyat va 1 ta durang qayd etgan. 32 yashar rossiyalik Baxram Murtazaliev hisobida esa birorta mag'lubiyatsiz 23 ta g'alaba mavjud.