Isroil Madrimovning vaznida birlashtiruvchi chempionlik jangi o'tkaziladi

Jang 31 yanvar sanasiga belgilandi. Unda birinchi o'rta vazn toifasida WBO chempioni, 22 yoshli Zander Zayas WBA kamari sohibi Abass Barau o'zaro birlashtiruvchi chempionlik jangida ringni ikkiga bo'lishadi. CHempionlik jangiga Zayasning ona shahri San-Xuan (Puerto-Riko) mezbonlik qiladi. 

Istedodli Zander Zayas shu yilning iyul oyida Xorxe Garsiya Peresni mag'lubiyatga uchratib, vakant qolgan WBO kamarini qo'lga kiritgandi. WBO tashkiloti amerikalik Sebastyan Fundora kamardan voz kechganidan keyin ushbu jangi belgiladi. Fundora aslida o'z kamarini majburiy davogar Zayasdan himoya qilishi kerak edi. Ammo u Tim Czyuga qarshi revansh jangi o'tkazishni ustun qo'yib, chempionlik kamarini vakant qoldirdi. 

"31 yanvar kuni yana bir orzumizni amalga oshiramiz. Bu safar o'z vatanimda jang qilaman. Ikki jahon chempionlik kamarlarini yurtdoshlarim ko'z o'ngida birlashtirmoqchiman. Biz birgalikda tarix yaratamiz. Ko'rishguncha!", - dedi Zayas faoliyatidagi ilk birlashtiruvchi jang haqida.

Germaniyalik 31 yoshli Abass Barau shu yilning avgust oyida WBA vaqtinchalik chempionlik kamarini qo'lga kiritdi. Keyin esa ikkinchi o'rta vazn toifasida yangi mutlaq jahon chempioni Terens Krouford bu kamardan rasman voz kechdi. Natijada Abass WBA birinchi o'rta vazn toifasining to'laqonli chempioniga aylandi.

"Zander - katta istedod egasi va men unga jangga rozi bo'lgani uchun munosib baho beraman. Bunday tavakkalchilikka hamma ham boravermaydi, ayniqsa, faoliyatining ushbu bosqichida. Uning ortida butun bir mamlakat turibdi va men buni hurmat qilaman. Bu qanday masuliyat ekanini bilaman", - dedi Barau.