"Isroil va Trampdan minnatdorman" - Striklend UFC Freedom 250 kardida yo'qligi haqida

"Men shunchaki Isroil va Donald Trampga ertaga uyg'onganimizda katta qizil chiziqni ko'rganimiz uchun minnatdorlik bildirmoqchiman. Umid qilamanki, bazilaringiz Eronda ommaviy qirg'in qurollari bor ekan, nafaqaga chiqishga harakat qilmaydi... Yoki to'xtang, Iroqmi? Kim biladi.

SHuning uchun bo'lsa kerak, meni va terrorchini Oq uydagi kardga taklif qilishmayapti, ha-ha!", - deb yozdi Striklend X ijtimoiy tarmog'idagi akkauntida.

Obunachilarning izohlariga javoban u tadbirda "bir to'da xorijliklar" ishtirok etishini ham qo'shimcha qildi. "Mayli, bir to'da chet elliklar Oq uyda mushtlashsin. G'alati, ammo bu mamlakat uchun ramziy manoga ega", - dedi SHon.

UFC 14 iyun kuni bo'lib o'tadigan turnir kardini rasman elon qildi. Oqshomning asosiy jangi ispaniyalik chempion Iliya Topuriya hamda amerikalik davogar Jastin Getji o'rtasida bo'lib o'tadi. Co-main event jangida braziliyalik Aleks Pereyra va franciyalik Siril Gan o'zaro bahs olib boradi.

Avvalroq Striklend Donald Trampni qo'llab-quvvatlagani uchun karddan joy olishi kutilgandi. Biroq so'nggi oylarda SHon AQSH prezidenti mamuriyatini tanqid qilgan, shuningdek, Jeffri Epshteyn atrofidagi vaziyat tufayli Oq uydagi turnirga qiziqish yo'qligini aytgandi.

AQSH prezidenti avvalroq Eron yamanlik husiylarning har qanday hujumi uchun "dahshatli badal" borligini aytgandi.