Jahon boksi yulduzlari Toshkentda WBC tashkilotining 61-konvenciyasida jam bo'ldi FOTOGALEREYA

Bugun kurai zaminimizning yuzdan ziyod davlati vakillari, dunyoga mashhur bokschilar, taniqli promouterlar, bir so'z bilan aytganda jahon professional boks ommasi qatnashayotgan Konvenciyaning tantanali ochilish marosimi bo'lib o'tdi. 

Unda O'zbekiston Respublikasi Bosh vaziri o'rinbosari Achilboy Ramatov, Osiyo Olimpiya kengashi vice-prezidenti Otabek Umarov, Yoshlar siyosati va sport vaziri Adham Ikramov, O'zbekiston kasaba uyushmalari federaciyasi hamda mamlakat professional boks federaciyasi vasiylik kengashi raisi Qudratilla Rafiqov, federaciya raisining birinchi o'rinbosari G'ofur Rahimov, WBC prezidenti Maurisio Suleyman va boshqa rasmiylar ishtirok etdi. 

Achilbay Ramatov tadbir avvalida so'z olib, mamlakatimizda Prezidentimiz tomonidan sog'lom turmush tarzi, xususan, sportga qaratilayotgan ulkan etibor xususida to'xtaldi. Bokschilarimizning xalqaro maydonda qayd etayotgan yutuqlarini alohida etirof etdi va tadbirni rasman ochiq deb elon qildi. 

O'z o'rnida, Maurisio Suleyman mamlakatimiz ushbu yirik sport tadbiriga yuqori saviyada hozirlik ko'rgani, professional bokschilarimizning jahon ringlarida aytishga arzigulik g'alabalarga erishayotgani haqida gapirdi.

Ochilish marosimida O'zbekiston professional boks federaciyasi tomonidan o'tgan davr mobaynida amalga oshirilgan keng ko'lamli ishlar sarhisobiga bag'ishlangan videolavha namoyish etildi. SHuningdek, WBC tarixiga oid hujjatli film ko'pchilikning diqqat markazida bo'ldi. G'ofur Rahimov WBC oliy ijroiya qo'mitasi azoligiga qabul qilindi.  

Tadbirda WBC prezidenti A.Ramatov va G'.Rahimovga uzoq yillik hamkorlik hamda mazkur konvenciyani yuqori saviyada tashkil etishdagi yordami uchun tashkilotning esdalik sovg'alarini taqdim qildi. SHuningdek, o'zbek boksi yulduzlariga ham maxsus medallar topshirildi.

O'zbekiston professional boks federaciyasi matbuot xizmati