05 noy 18:20
Yangiliklar

Sport kurashlari

Jahon chempionati. Abbos Rahmonovda alamli mag'lubiyat, Begijonda ham

Serbiya poytaxti Belgrad shahrida davom etayotgan yoshlar (U 23) o'rtasidagi jahon chempionatida erkin kurash musobaqasi davom etmoqda.

65 kg vaznda yurtimiz sharafini himoya qilayotgan Abbos Rahmonov nimchorak final bellashuvida rossiyalik Ibragim Abdurahmanovga qarshi bahs olib bordi. Murosasiz kechgan bahsda 7-7 hisobi qayd etildi va rossiyalik kurashchi chorak finalga yo'l oldi. Rahmonov 4-7 hisobida yutqaza turib, muvozanatni tiklashga muvaffaq bo'lgan edi. Juda alamli mag'lubiyat bo'ldi. Abbosning raqibi finalga chiqsa, bronza uchun imkoniyat saqlanib qoladi.

SHuningdek, 70 kg vazndagi kurashchimiz Begijon Qo'ldoshev ham 1/8 finalda mag'lubiyat alamini totib ko'rdi. U armanistonlik Vazgen Tevanyanga 2-11 hisobida imkoniyatni boy berdi. Avvalroq, Otabek Salomov va Arslon Rahimov ham raqiblariga yutqazib qo'yishgandi.