22 okt 09:38
Yangiliklar

Sport kurashlari

Jahon chempionati. Bugun Ixtiyor Navro'zov va Magomed Ibragimov gilamga chiqadi

Vengriya poytaxti Budapesht shahrida sport kurashlari bo'yicha jahon chempionati davom etmoqda.

Kecha musobaqaning birinchi kuni -74 kg vazn toifasidagi hamyurtimiz Bekzod Abdurahmonov terma jamoamizga bronza medalini taqdim etgandi. Bugun erkin kurashchilarimizdan yana ikki nafari jahon chempionatining medallari uchun gilamga chiqadi.

-70 kg vazn toifasida yurtimiz sport sharafini Rio Olimpiadasi sovrindori Ixtiyor Navro'zov himoya qiladi. U saralashning birinchi bosqichida yaponiyalik Keysuke Otaguroga qarshi bahs olib boradi.

-97 kg vazn toifasida esa O'zbekiston nomidan Rio Olimpiadasi hamda Osiyo o'yinlari sovrindori, Osiyo chempioni Magomed Ibragimov ishtirok etadi. Magomed ilk davrada turkiyalik Fatix Yasarliga qarshi gilamga chiqadi. Agar raqibidan ustun kelsa, 1/8 finalda belaruslik Aleksandr Gushtin bilan uchrashadi.