Jahon chempionati. Diyora Keldiyorova o'zbek ayollar dzyudosida yangi sahifa ochdi

Ayollar o'rtasidagi bahslarning -52 kg vazn toifasida yurtimiz sharafini himoya qilayotgan Diyor Keldiyorova ishtirokidagi bronza medali uchun kechgan bellashuv yakunlandi. Unda Samarqand dzyudo maktabi tarbiyalanuvchisi isroillik Gefen Primoga qarshi tatamiga chiqdi va imkoniyatni boy berib qo'ydi. Har qanday holatda ham medal uchun kurashgan Keldiyorova yurtimiz dzyudosida yangi sahifaning ochilishiga sababchi bo'ldi. SHu tariqa, Diyora jahon chempionatida beshinchi o'rinni egalladi.

Gap shundaki, O'zbekiston ayollar dzyudosida shu kungacha hali hech kim jahon chempionatining bronza medali uchun bahsda ishtirok etmagan edi. Diyora o'z faoliyatida kadetlar o'rtasida jahon chempioni bo'lgandi.