Jahon chempionati. Erkin kurashchimiz bronza uchun jangda ishtirok etadi

-74 kg vazn toifada jang qiluvchi kurashchimiz Bekzod Abdurahmonov uch nafar raqibini mag'lubiyatga uchratib, yarim finalga yo'l olgandi. Yarim finalda u Olimpiada chempioni, uch karra JCH oltin medali sohibi hisoblangan amerikalik Jordan Barrouzga qarshi gilamga chiqdi. Murosasiz kechgan jangda vakilimiz 5:6 hisobida imkoniyatni boy berib qo'ydi. Endi u bugun kechki dasturlardan o'rin olgan jangda bronza medali uchun kurashadi. Unga bronza medali uchun jangda franciyalik yoki beloruslik kurashchi to'qnash keladi.


Takidlab o'tish lozimki, Bekzod Rio Olimpiadasida Barrouzni 11:1 hisobida mag'lubiyatga uchratishni uddasidan chiqqandi.

-97 kg vazn toifasida chorak finalga chiqqan Magomed Ibragimov esa armanistonlik Gergiy Ketoevga 2:12 hisobida yutqazib qo'ydi. Uning raqibi finalga chiqa olmagani sababli, kurashchimiz bronza medali uchun kurasha olmaydi.