21 sen 22:47
Yangiliklar

Sport kurashlari

Jahon chempionati. Erkin kurashchimiz Hasanboy Rahimov bronza medali hamda Olimpiada licenziyasi sohibi! FOTOGALEREYA

Qozog'istonning Nur-Sultan shahrida o'tkazilayotgan sport kurashlari bo'yicha kattalar o'rtasidagi jahon chempionatining bugungi kuni Hasanboy Rahimov uchun omadli keldi.

Yilning ushbu nufuzli musobaqasi Tokio-2020 Olimpiadasiga licenziya berishi bilan ahamiyatlidir. Erkin kurashning 125 kg vazn toifasida o'tkazilgan bahslarida yurtimiz sharafini himoya qilgan Hasanboy Rahimov jahon chempionatining bronza medali bilan birga Tokio Olimpiadasi yo'llanmasini ham qo'lga kiritdi.

Yurtdoshimiz venesuelalik Luis Felipe Urbanejani 10:0, vengriyalik Daniel Ligetini 5:0 hisobida mag'lub etdi. CHorak finalda turkiyalik Taxa Akgulga 0:3 hisobida yutqazib qo'ydi. O'tish bahsida moldovalik Aleksandr Romanovni 6:0 hisobida engdi. Bronza medali uchun kechgan uchrashuvda esa xitoylik Jivey Dengdan 6:1 hisobida ustun keldi.