Jahon chempionati. Hozircha ikki nafar taekvondochimiz chorak finalga yo'l oldi

Bugun kun davomida besh nafar taekvondochimiz dayanga chiqishi haqida avvalroq malum qilgandik. 

-37 kg vaznli taekvondochimiz Abror O'lmasov 1/32 finalda qirg'izistonlik Yaroslav Romanovni 33:3 hisobida mag'lubiyatga uchratdi. 1/16 finalda esa qozog'istonlik Tamerlan Tleulesga 12:17 hisobida imkoniyatni boy berib qo'ydi. 

-33 kg vazn toifasidagi Muhammadamin Aliev esa ilk jangida britaniyalik Ouen Blantga qarshi dayanga chiqdi va 23:2 hisobida g'alaba qozondi. Nimchorak finalda esa filippinlik Xulio Migel Sapatani 23:3 hisobida mag'lubiyatga uchratdi. Endi u chorak finalda shveciyalik Ademi Bleronga qarshi bahs yuritadi. 

-41 kg vaznli Laylo Zayniddinova musobaqani 1/16 finaldan boshladi. Hamyurtimiz ilk jangida tojikistonlik Gulnoza Maksumovaga qarshi jang qilib, 8:5 hisobida g'alaba qozondi. 1/8 finalda esa misrlik Yana Elmanzalvi bilan jang qilgan Laylo 4:0 hisobida g'alaba qozonib, chorak finalga yo'l oldi. Endi Laylo yarim finalga chiqish uchun eronlik taekvondochi Zahro Zarin Naal SHeyxaniga qarshi jang qiladi. 

-47 kg vaznli qizimiz Sitora Muhammad G'ulom Rasul 1/16 finalda bolgariyalik Alina Ivanovani 11:5 hisobida mag'lubiyatga uchratdi. Endi u chorak finalga chiqish uchun qozog'istonlik Mariya Sevostyanovaga qarshi bahs yuritadi. 

-53 kg vaznli taekvondochimiz Samandar Hamdamov hali janglarni boshlamadi. U ishtirokini 1/8 finalda bolgariyalik Denis Dimitrovga qarshi dayanga chiqadi. 

Suratlar muallifi: Jahongir Fayzullaev