Jahon chempionati. Ixtiyor Navro'zov va Magomed Ibragimov gilamga chiqdi

Kecha musobaqaning navbatdagi kungi bellashuvlarida ikki hamyurtimiz medallar uchun gilamga chiqdi. Afsuski, ularning har ikkisi ham chorak finalda mag'lubiyatga uchrab, sovrinli o'rinlarsiz qolishdi. 

-70 kg vazn toifasida yurtimiz sport sharafini himoya qilgan Rio Olimpiadasi sovrindori Ixtiyor Navro'zov saralashning birinchi bosqichida yaponiyalik Keysuke Otaguroni 12:1 hisobida engdi. Nimchorak finalda hindistonlik Rana Pankajdan 10:0 hisobida ustun keldi. CHorak finalda esa gruziyalik Zurabi Yakobishviliga 1:5 hisobida yutqazib, jahon chempionatidagi ishtirokini yakunladi.

-97 kg vazn toifasida esa O'zbekiston nomidan Rio Olimpiadasi hamda Osiyo o'yinlari sovrindori, Osiyo chempioni Magomed Ibragimov ishtirok etdi. Magomed ilk davrada turkiyalik Fatix Yasarlini 6:3, 1/8 finalda belaruslik Aleksandr Gushtinni 11:7 hisobida engdi. Yarim final ostonasida esa rossiyalik Abdulrashid Sadullaevga 0:10 hisobida imkoniyatni boy berdi. 

Eslatib o'tamiz, jahon chempionatining birinchi kungi bahslarida -74 kg vazn toifasida gilamga chiqqan hamyurtimiz Osiyo o'yinlari g'olibi Bekzod Abdurahmonov terma jamoamizga bronza medalini taqdim etgandi.