Jahon chempionati. Rahmonov va Qo'ldoshev bronza uchun kurashadi

65 kg vaznda yurtimiz sharafini himoya qilayotgan Abbos Rahmonov nimchorak final bellashuvida Ibragim Abdurahmanovga qarshi bahs olib borgan va murosasiz kechgan bahsda 7-7 hisobi qayd etilib, rossiyalik kurashchi chorak finalga yo'l olgandi. Abdurahmonov finalga yo'l olgani bois Abbosda bronza medali uchun imkoniyat saqlanib qoldi. Buning uchun u avvaliga o'tish bellashuvida italiyalik Kolin Rilbutoni, keyin esa ozarbayjonlik Ziraddin Bayramovni mag'lub etishi shart.       

SHuningdek, 70 kg vazndagi kurashchimiz Begijon Qo'ldoshevda ham bronza uchun imkoniyat saqlanib qoldi. Qo'ldoshevni 1/8 finalda mag'lub etgan armanistonlik Vazgen Tevanyan finalga yo'l oldi. Bugun Begijon o'tish bahsida germaniyalik SHamil Ustaevga qarshi gilamga chiqadi. G'alaba qozongan taqdirda uni turkiyalik CHuneyt Budak qarshi oladi.