05 noy 17:17
Yangiliklar

Sport kurashlari

Jahon chempionati. Rahmonov va Qo'ldoshevda g'alaba, ikki kurashchimizda esa mag'lubiyat

Teglar : Abbos Rahmonov

Serbiya poytaxti Belgrad shahrida davom etayotgan yoshlar (U 23) o'rtasidagi jahon chempionatida erkin kurash musobaqasi boshlandi.

Bugungi dasturdan to'rt erkin kurashchimizning gilamga chiqishi belgilangan bo'lib, ularning ikki nafari ilk davra uchrashuvini g'alaba bilan yakunlashdi. 65 kg vaznda yurtimiz sharafini himoya qilayotgan Abbos Rahmonov 1/16 finalda britaniyalik Teylor Konnellini 7-0 hisobida mag'lubiyatga uchratdi. Ayni daqiqalarda Rahmonov nimchorak final bellashuvida rossiyalik Ibragim Abdurahmanovga qarshi bahs olib boryapti.

70 kg vazndagi kurashchimiz Begijon Qo'ldoshev 1/16 finalda albaniyalik Elmaz Kreyzidan 10-0 hisobida ustun keldi. Uning 1/8 finaldagi raqibi armanistonlik Vazgen Tevanyan bo'ladi.

Afsuski, 79 kg vazndagi polvonimiz Otabek Salomov 1/16 finalda shveycariyalik Tanguy Darbellayga 57 kg vazndagi Arslon Rahimov esa 1/16 finalda tojikistonlik Muhammad Ikromovga imkoniyatni boy berib qo'ydi.