11 noy 15:58
Yangiliklar

Sport kurashlari

Jahon chempionati sovrindori Aram Vardanyanni tabriklaymiz!

Bugun sport kurashlari bo'yicha O'zbekiston terma jamoasi azosi, yunon-rum kurashchimiz Aram Vardanyan o'z tavallud ayyomini nishonlamoqda.

Aram Vardanyan 1995 yil 11 noyabr kuni dunyoga kelgan. Yunon-rum kurashi bo'yicha o'smirlar va yoshlar o'rtasidagi jahon chempionatlari, qator xalqaro musobaqalar g'olib va sovrindori, ikki karra Osiyo chempionati bronza medali sohibi hisoblanadi. 2019 yil Qozog'istonning Nur-Sultan shahrida o'tkazilgan jahon chempionatida -72 kilogramm vazn toifasida kumush medalni qo'lga kiritgan.

O'zbekiston Milliy olimpiya qo'mitasi, O'zbekiston Sport kurashlari associaciyasi rahbariyati, murabbiylar, hakamlar, kurashchilar Aram Vardanyanni bugungi tavallud ayyomi bilan tabriklab, uning kelajakdagi faoliyatida yanada ulkan muvaffaqiyatlar tilaydi.