Jahon chempionati. Uchinchi kunda qaysi taekvondochilarimiz jang qilishadi?

Ushbu musobaqada O'zbekiston terma jamoasi to'liq tarkib bilan (20 nafar sportchi) ishtirok etmoqda. Ikkinchi kungi musobaqalarda o'zbekistonlik 5 nafar taekvondochi dayanga chiqdi. Muhammadamin Aliev yarim finalga qadar etib bordi va bronza medalini qo'lga kiritdi.  

Jahon chempionatining uchinchi kunida O'zbekiston sharafini quyidagi 5 nafar taekvondochi himoya qiladi. 

-41 kg vazn toifasida O'zbekiston sharafini Zafarbek Karimov himoya qiladi. Quraga ko'ra sportchimizning 1/16 finaldagi raqibi ozarbayjonlik Punxan Mursalov bo'ladi. Ushbu jang g'olibi nimchorak finalda Nitxan Brindamoxan (Kanada) - Milosh Mandich (Serbiya) juftligi g'olibiga qarshi jang qiladi.  

-45 kg vazn toifasida yurtimiz sharafini Nazarali Nazarov himoya qiladi. Hamyurtimiz Jahon chempionatini 1/8 finaldan boshlaydi. Uning raqibi 1/16 finaldagi Linus Vesterlund (SHveciya) - Xao CHen (Xitoy Taypei) jangidan so'ng malum bo'ladi.  

-44 kg vaznda taekvondochimiz Marjona Xudoyqulova musobaqani 1/16 finalda ukrainalik Oleksandra Labuzovaga qarshi jang bilan boshlaydigan bo'ldi. Bu jang g'olibasi nimchorak finalda filippinlik Krisriata Katalina Tiu bilan to'qnash keladi. 

-55 kg vazn toifasida o'zbekistonlik Madina Nurullaeva 1/8 finalda AQSH vakilasi Maya Mataga qarshi dayanga chiqadi. 

-59 kg vazn toifasida yurtimiz sharafini himoya qiladigan Omina Botirova 1/16 finalda avstraliyalik Selma Xalilovich bilan to'qnash keladi. Bu jangda g'olib chiqqan sportchi nimchorak finalda latviyalik Anastasiya Mochalina bilan jang qiladi. 

O'zbekiston taekvondo WTF Associaciyasi matbuot xizmati