Jahon chempionatida 2 ta medal qo'lga kiritgan kurashchi qizlarimiz Toshkentga qaytishdi + FOTO

Ushbu nufuzli musobaqada O'zbekiston terma jamoasi kurashchilari har uchchala yo'nalishda yurtimiz sharafini himoya qilyaptilar. Biroz avval ayollar kurashi bahslarida yurtimiz sharafini himoya qilgan O'zbekiston terma jamoasi Budapesht - Istanbul - Toshkent aviareysi bilan yurtimizga qaytib keldi. 

Anatoliy Ibragimov va To'ymurod Adizov murabbiyligidagi terma jamoamiz jahon chempionatida 2 ta bronza medalini qo'lga kiritdi. Xurshida Qosimova (65 kg) va Ulmeken Esenbaeva (61 kg) terma jamoamizga bronza medallarini taqdim etgan edi. Delegaciyamiz Islom Karimov nomidagi Toshkent xalqaro aeroportida kutib olindi. Endi qizlarimiz reja bo'yicha 18-25 avgust kunlari Rossiyaning Ufa shahrida o'tkaziladigan yoshlar o'rtasidagi jahon chempionatida ishtirok etadi.