15 avg 11:11
Yangiliklar

Sport kurashlari, Kurash

Jahon chempionatida ishtirok etadigan kurashchilarimiz nomi malum

21-26 avgust kunlari Franciya poytaxti Parij shahrida sport kurashlari – erkin, yunon-rum va ayollar kurashi bo'yicha jahon chempionati bo'lib o'tadi.

Dunyoning yuzdan ortiq davlatining eng sara polvonlari ishtirok etadigan yilning eng nufuzli musobaqasida O'zbekiston terma jamoasi kurashchilari ham gilamga chiqadi. 18 avgust kuni yunon-rum kurashi bo'yicha terma jamoamiz delegaciyasi Franciya poytaxtiga jo'nab ketadi. Parij gilamlarida Feruz To'xtaev (59 kg), Elmurod Tasmurodov (66 kg), Aram Vardanyan (71 kg), Rustam Assakalov (98 kg) hamda Mo'min Abdullaev (130 kg) yurtimiz sport sharafini himoya qiladi. Terma jamoa murabbiylari Komil Fatkulin va Ravshan Ro'ziqulov.

Erkin kurash bo'yicha terma jamoamiz azolari esa 21 avgust kuni Franciyaga yo'l olishadi. Tarkibdan Nodirjon Safarov (57 kg), Ixtiyor Navro'zov (70 kg), Bekzod Abdurahmonov (74 kg), Umidjon Ismanov (86 kg), Magomed Ibragimov (97 kg) hamda David Modzmanashvili (125 kg) joy olgan. Erkin kurash bo'yicha terma jamoa murabiylari Olim Hikmatov va Aleksandr Nedorezov.

Jahon chempionatida O'zbekiston ayollar kurashi terma jamoasi ishtirok etmaydi.