Jahon chempionatida umumjamoa hisobida 11-o'rinni egalladik + Jadval

Bir hafta davom etgan dunyo birinchiligida 5 qitasi 72 davlatidan 490 nafar dzyudochi medallar uchun tatamiga chiqdi. Yurtimiz sharafini Ulug'bek Azizov murabbiyligida to'liq tarkibdagi dzyudochilarimiz himoya qilishdi. Yakunda 1 ta kumush va 1 ta bronza medalini qo'lga kiritgan sportchilarimiz umumjamoa hisobida 11-o'rinni egalladik. 

Taqqoslash uchun, 2019 yilning 12-24 oktyabr kunlari Marokashda o'tgan yoshlar o'rtasidagi jahon chempionatida eng yaxshi natijamiz 5-o'rin bo'lgan edi. Dilshodbek Yo'ldoshev -66 kg vaznda kuchli beshlikdan joy olgandi.       

Italiyadagi jahon chempionati esa to'laligicha Gruziya terma jamoasiga ataldi. Ular 4 ta oltin va 1 ta bronza medali bilan umumjamoa hisobida birinchi o'rinni egallashdi.